[ആമുഖം : ഈയുള്ളവന്‍ ഏതാനും ആഴ്ചകള്‍ക് മുമ്പ് കുറെ മഹാത്മാക്കളുടെ ജിവിതത്തിലെ സംഭവങ്ങളെ കുറിച്ച് എഴുതിയിരുന്നു. വീണ്ടും കുറെ സംഭവങ്ങള്‍ അവിടെയും ഇവിടെയും വായിച്ചത് എഴുതി തുടങ്ങുന്നു . താല്പര്യം ഉള്ളവര്‍ വായിക്കുക].
1. ടെസ്ലായുടെ ഗണിത ശാസ്ത്ര സലാഡും മാക്സ് പ്ലാങ്കിന്റെ പ്രസംഗവും
ഇന്ന് ലോകത്തിലേറ്റവും കൂടുതല്‍ ഉപയോഗി ക്കപ്പെടുന്ന വൈദ്യുത മോട്ടോര്‍ നിര്‍മ്മിച്ച നിക്കൊലാ ടെസ്ലായെപറ്റി ആയിരുന്നു അവസാനത്തെ കുറിപ്പ്. അദ്ദേഹത്തിന്റെ ജിവിതത്തിലെ ഒരു സംഭവുമായി തന്നെ വീണ്ടും തുടങ്ങാം.
ടെസ്ല ശരിക്കും ഒരു അരക്കിറുക്കന്‍ (eccentric) പ്രതിഭ ആയിരുന്നു എന്നു അദ്ദേഹത്തിന്റെ ജീവിത കഥ വായിച്ചാല്‍ മനസ്സിലാവും . എന്ത് നിസ്സാര കാര്യത്തെ ക്കുറിച്ചും അഗാധമായി ചിന്തിച്ചു അപഗ്രഥിച്ചു പഠിക്കുക എന്നത് അദ്ദേഹത്തിന്റെ ശീലം ആയിരുന്നു. ഒരിക്കല്‍ ഒരു ദിവസം റെസ്റ്റ്റ്റോറന്റില്‍ ഭക്ഷണം കഴിച്ചു. അവസാനം കൊണ്ടു വന്ന ഫ്രൂട്ട് സലാഡ് അദ്ദേഹ ത്തെ വല്ലാതെ ആകര്‍ഷിച്ചു. ഒന്നാം തരം ആയി തന്നെ ഉണ്ടാക്കിയ ഫ്രൂട്ട് സാലഡില്‍ പല നിറത്തി ലും വലിപ്പത്തിലും ഉള്ള പഴങ്ങള്‍ കാണാമായി രുന്നു. ഇത് കണ്ടപ്പോള്‍ ടെസ്ലായുടെ അപഗ്രഥന കൌതുകം ഉണര്‍ന്നു. അദ്ദേഹം അതില്‍ ചേര്‍ത്തിട്ടുള്ള പഴ ക്കഷണങ്ങള്‍ ഓരോന്നോ രാന്നായി എടുത്തു അതിന്റെ വലിപ്പവും അത് സാലഡില്‍ നിന്ന് എടുക്കുമ്പോള്‍ പാത്രത്തിലെ ദ്രാവകത്തില്‍ ഉണ്ടാക്കുന്ന വ്യാപ്ത വ്യത്യാസവും മറ്റും കൃത്യമായി ഒരു പേന ഉപയോഗിച്ച് എഴുത്ത് പാഡില്‍ കുറിച്ച് തുടങ്ങി. കുറച്ച സമയം കഴിഞ്ഞും അദ്ദേഹം സാലഡ് കഴിക്കുന്നില്ല എന്ന് കണ്ടു വെയിറ്റര് അടുത്തെത്തി ചോദിച്ചു : “സര്‍ എന്തെങ്കിലും കുഴപ്പമുണ്ടോ , ഫ്രൂട്ട് സലാഡ് നന്നല്ലേ? താങ്കള്‍ എന്ത് കൊണ്ടാണ് സാലഡ് കഴിക്കാത്തത് ? “
ടെസ്ലാ പറഞ്ഞു : സുഹൃത്തേ നിങ്ങളുടെ ഫ്രൂട്ട് സലാഡ് തീര്‍ച്ചയായും ഒന്നാം തരം തന്നെ, ഗണിതശാസ്ത്രത്തിന്റെ കണ്ണുകളില്‍ കൂടി നോക്കുമ്പോള്‍ പ്രത്യേകിച്ചും .
ടെസ്ലാ പറഞ്ഞു : സുഹൃത്തേ നിങ്ങളുടെ ഫ്രൂട്ട് സലാഡ് തീര്‍ച്ചയായും ഒന്നാം തരം തന്നെ, ഗണിതശാസ്ത്രത്തിന്റെ കണ്ണുകളില്‍ കൂടി നോക്കുമ്പോള്‍ പ്രത്യേകിച്ചും .
2. മാക്സ് പ്ലാങ്ക് : സ്വന്തം പ്രസംഗം കേള്‍ക്കാന്‍ പ്രായമായില്ല !!
ആറ്റം കണികകളെപ്പറ്റി ഗവേഷണം നടത്തി യിരുന്ന മാക്സ് പ്ലാങ്ക് എന്ന ശാസ്ത്രജ്ഞന്‍ ബെര്‍ലിന്‍ യൂനിവെര്സിറ്റിയില് വളരെ ചെറുപ്പത്തില്‍ തന്നെ പ്രൊഫസറായി നിയമിതനായി . ഒരു ദിവസം അദ്ദേഹം തനിക്കു ക്ലാസ് എടുക്കണ്ട മുറി ഏതാണെന്ന് മറന്നു പോയി. അദ്ദേഹം തൊട്ടടുത് കണ്ട യുനിവേര്‍സിറ്റി ആഫീസില്‍ കൌണ്ടറില്‍ ഇരുന്ന മദ്ധ്യവസ്ക്ക നോടു ചോദിച്ചു “ പ്രൊഫസര്‍ മാക്സ് പ്ലാങ്കിന്റെ ക്ലാസ് എവിടെ ആണെന്ന് ദയവായി പറയാമോ ?
ആ മധ്യവയസ്കന്‍ പ്ലാങ്കിന്റെ തോളത്തു തട്ടിയിട്ട് പറഞ്ഞു : “ഞാന്‍ സ്ഥലം പറഞ്ഞു തരാം , പക്ഷെ നിങ്ങള്‍ അവിടെ പോയിട്ട് ഒരു കാര്യവുമില്ല, യുവാവേ, നിങ്ങള്ക്ക് മനസ്സിലാക്കാന്‍ കഴിയുന്നത് വല്ലതും ആണ് പ്രൊഫസര്‍ പ്ലാങ്ക് പഠിപ്പിക്കുന്നത് എന്ന് നിങ്ങള്‍ വിചാരിക്കുന്നുവോ ? പാവം” .
ആ മധ്യവയസ്കന്‍ പ്ലാങ്കിന്റെ തോളത്തു തട്ടിയിട്ട് പറഞ്ഞു : “ഞാന്‍ സ്ഥലം പറഞ്ഞു തരാം , പക്ഷെ നിങ്ങള്‍ അവിടെ പോയിട്ട് ഒരു കാര്യവുമില്ല, യുവാവേ, നിങ്ങള്ക്ക് മനസ്സിലാക്കാന്‍ കഴിയുന്നത് വല്ലതും ആണ് പ്രൊഫസര്‍ പ്ലാങ്ക് പഠിപ്പിക്കുന്നത് എന്ന് നിങ്ങള്‍ വിചാരിക്കുന്നുവോ ? പാവം” .
ഈ മാക്സ് പ്ലാങ്കിനു ക്വാണ്ടം സിദ്ധാന്തത്തിലെ കണ്ടുപിടുത്തങ്ങള്‍ക്ക് 1918 ല്‍ നോബല്‍ സമ്മാനം കിട്ടുകയുണ്ടായി.
Comments
Post a Comment