ആയിരത്തിലധികം കണ്ടു പിടുത്തങ്ങളുടെ ഉടമയായ എഡിസന്റെ ജീവിതത്തിലെ ചില സംഭവങ്ങള്‍ കൂടി നോക്കാം .
1. ആദ്യത്തെ പ്രതിഫലം
എഡിസന്റെ ആദ്യത്തെ വ്യാവസായിക ഉപയോഗം ഉള്ള ഒരു കണ്ടു പിടുത്തം ഒരു വ്യവസായി വാങ്ങാന്‍ തയ്യാറായി. അതിന്റെ പ്രതി ഫലം തീരുമാനിക്കാന്‍ എഡിസണും വ്യവസാ യിയും ബന്ധപ്പെട്ടു . എഡിസന്‍ മനസ്സില്‍ വിചാരിച്ചു റച്ചു , “ഒരു 5000 ഡോളര്‍ എങ്കിലും ചോദിക്കണം , കുറഞ്ഞത്‌ 4,000 എങ്കിലും കിട്ടിയാല്‍ കൊടു ത്തെക്കാം “. ഏതായാലും അല്‍പ്പം പരിഭ്രമം ഉണ്ടായിരുന്നു എങ്കില് ധൈര്യം നടിച്ചു എഡിസന്‍ വ്യവസാ യിയെ അഭിമുഖീകരിച്ചു .
അയാള്‍ ചോദിച്ചു : ശരി നിങ്ങള്‍ എന്താണ് പ്രതീക്ഷിക്കുന്നത് ?
എഡിസന്‍ : നിങ്ങള്ക്ക് എന്ത് തരാന്‍ കഴിയും എന്ന് പറയുക , അതനുസരിച്ച് ഞാന്‍ പറയാം .
അയാള്‍ : ശരി, ഞാന്‍ ഒരു 40,000 ഡോളര്‍ തരാം , പോരെ ?
എഡിസന്‍ പിന്നീട് എഴുതി , ഞാന്‍ പ്രതീക്ഷിച്ചതിന്റെ പത്തിരട്ടി തുക, ശരിക്കും ഞാന്‍ ബോധം കെട്ടു പോകുമായിരുന്നു, ഒരു വിധം ഞാന്‍ പിടിച്ചു നിന്നു.
അല്‍പ്പം ആലോചിച്ചിട്ടെന്ന പോലെ മെല്ല പറഞ്ഞു : “ശരി , നിങ്ങള്ക്ക് തന്നെ ഇരിക്കട്ടെ എന്റെ ആദ്യത്തെ യന്ത്രം “ !!!
2. വിവാഹാഭ്യര്‍ഥന മോര്സ് കോഡില്‍
എഡിസന്റെ പരീക്ഷണ ശാലയില്‍ മേരി എന്ന് പേരുള്ള ഒരു യുവതി ജോലിയില്‍ ചേര്‍ന്നു. സുന്ദരിയും ആത്മാര്‍ഥമായി ജോലി ചെയ്യുന്ന വരും ആയ മേരിയുമായി എഡിസന്‍ പെട്ടെന്ന് അടുപ്പത്തിലായി. ഒരു ദിവസം അവര്‍ രണ്ടു പേരും കൂടി കാര്യമായ എന്തോ പരീക്ഷണം ചെയ്യുകയായിരുന്നു . അവര്‍ക്ക് രണ്ടു പേര്‍ക്കും നന്നായി തമ്മില്‍ മോര്സ് കോഡില്‍ പരസ്പരം വിവരങ്ങള്‍ കൈകാര്യം ചെയ്യാന്‍ അറിയാമായിരുന്നു.
എഡിസന്‍ മെല്ലെ വിളിച്ചു “ മേരി ? “
മേരി : എന്താണ് ആല്‍വാ ?
പെട്ടെന്ന് എഡിസന്‍ പോക്കറ്റില്‍ നിന്ന് ഒരു നാണയം എടുത്തു മേശപ്പുറത്തു തട്ടി മോര്സേ കോഡില്‍ പറഞ്ഞു : “ഞാന്‍ അടുത്തകാലത്ത് ചിന്തിക്കുക ആയിരുന്നു – സ്റ്റോപ്പ്‌- നിങ്ങളെ ഞാന്‍ വിവാഹം കഴിച്ചാലൊ”
മേരി തിരിച്ചു മോര്സ് കോഡില്‍ തന്നെ മറുപടി കൊടുത്തു : “ അത് എനിക്ക് വളരെ സന്തോഷം തരും - സ്റ്റോപ്പ്‌ “
അങ്ങനെ തന്നെ സംഭവിച്ചു. എഡിസന്‍ മേരിയെ തന്നെ വിവാഹം കഴിച്ചു. ദീര്‍ഘകാലം (മരണം വരെ ) അവര്‍ സന്തോഷമായി ഒന്നിച്ചു ജീവിച്ചു.
3. വൈദ്യുത ബള്ബിലെ ഫിലമെന്ടു കണ്ടു പിടിച്ച കഥ .
വൈദ്യത കൂടുതല്‍ കാലം നിലനില്‍ക്കുന്ന ഒരു ഫിലമെന്ടു ഉണ്ടാക്കുവാന്‍ എഡിസണും സഹാ യികളും കൂടി പല വസ്തു ക്കളും ഉപയോഗിച്ച് നോക്കി. ആയിരത്ലധികം വസ്തുക്കള്‍ ആ ഉപയോഗിച്ച് നോക്കി. സുഹൃത്തുക്കളില്‍ പലരും എഡിസനെ കളിയാക്കി, ചിലര്‍ സഹതപിച്ചു, എന്നിട്ടും എഡിസ്ന്‍ തന്റെ ശ്രമങ്ങള്‍ തുടര്‍ന്നു. തുന്നല്‍ നൂല് കത്തിച്ചു അതിന്റെ ചാരം കൊണ്ടു ഫിലമെന്റുന്റാക്കി, അത് 45 മണിക്കൂര്‍ ഉപയോ ഗിക്കാന്‍ കഴിഞ്ഞു. ഒരു പ്രത്യേക തരം മുള ഉപയോഗിച്ചപ്പോള്‍ 1,000 മണിക്കൂര്‍ നിലനിന്നു. അതിലും തൃപ്തി പോരാതെ വേറെ പലതും നോക്കി. കൂട്ടുകാര്‍ കളിയാക്കിയപ്പോള്‍ എഡിസന്‍ പറഞ്ഞു , ഞാന്‍ ആയിരം പ്രാവശ്യം പരാജയപ്പെട്ടു എന്ന് നിങ്ങള്‍ കരുതുന്നു , ഞാന്‍ ഫിലമെന്റുണ്ടാക്കാന്‍ ഈ ആയിരം വസ്തുക്കള്‍ ഉപയോഗിക്കാന്‍ കൊള്ളില്ല എന്ന് കണ്ടെത്തി , അത്രമാത്രം .
( PS: ഊര്‍ജ ഉപയോഗം നോക്കുമ്പോള്‍ ഇന്ന് ഫിലമെന്റ്റ് ഉള്ളതരം വിളക്കുകള്‍ (incandescent bulbs) ഇന്ന് തീരെ ഒഴ്വാക്കി വരുകയാണ് . CFL, LED വിളക്കുകള്‍ കൂടുതല്‍ ഊര്‍ജ കാര്യക്ഷമത ഉള്ളവയാണല്ലോ ) എങ്കിലും വൈദ്യുതിയുടെ പ്രധാനപ്പെട്ട ഉപയോഗം അന്നും ഇന്നും വെളിച്ചം തരാന്‍ തന്നെ അല്ലെ ? അതിനു നാം അദ്ദേഹതോടു കടപ്പെട്ടിരിക്കുന്നു
Comments
Post a Comment